Zbulohet identiteti i çiftit të mumifikuar që u gjend nën akullnajë pas 75 viteve, flet vajza e tyre

Monique Gautschy-Dumoulin ishte 11 vjet kur ajo iu tha lamtumirë prindërve ë saj me 15 gusht 1942.

Marcelin Dumoulin, një këpucëtar 40 vjeçar, dhe gruaja e tij Francine, 37, e kishin lënë fshatin e tyre në Chandoline, Zvicër për të çuar lopët në një livadh. Ata kurrë nuk u kthyen më.

Tani, 86 vjeçarja, vajza e tyre e madhe Monique tha se misteri kishte hedhur një hije mbi jetën e saj, transmeton Indeksonline.

Duke folur nga shtëpia e saj në Zvicër, ajo tha: “Ata kishin shkuar në fusha të kujdesën për lopët. Ata më thanë se do të ktheheshin në mbrëmje ose ndoshta të nesërmen në qoftë se ata ishin shumë të lodhur. Ishte ditë e shtunë. Babai im më përqafoi”.

Mëngjesin e ardhshëm, Monique, e cila ishte duke u bërë gjithnjë e më e shqetësuar, u largua nga shtëpia për të pyetur fqinjët në qoftë se i kishin parë prindërit e saj.

“Unë shkova tek një mik në një skaj të fshatit për të parë nëse i kishin parë ata të kthehen. Kur edhe aty nuk i kishin parë, unë fillova të qaja. E dija që diçka e keqe kishte ndodhur”, ka shtuar ajo.

Më pas i gjithë fshati i kishte ndihmuar për t’i kërkuar, por më kot. Nuk i kishin gjetur asnjëherë.

Monique tha se ajo dhe vëllezërit e motrat e saja, Maurice, Raphael, Candid, Eugene, Charles dhe Marceline- mbetën në shtëpinë e tyre për dy deri në tre javë pasi prindërit e tyre u zhdukën.

“Isha fëmija më i madh kështu që unë duhej të kujdesesha për çdo gjë. Gatim, larje- dhe mos harroni, kjo ishte para se të kishte makina larëse. Çdo gjë me dorë. Unë kisha për t’u kujdesur për motrën time dhe vëllezërit. Ishte shumë  e vështirë”, ka thënë ajo.

Pastaj shtëpia na u morë dhe ne nuk na lejuan të marrim asnjë suvenir të vetëm. Prifti i fshatit kishte organizuar që ne të jetonim me familje të ndryshme.

“Ka pasur shumë njerëz që kanë ardhur përpara për të na ndihmuar, sepse babai im ishte njëri i tillë human dhe e njihnin shumë. Por, pasi shkuam në familje tjera, ishte një histori krejt tjetër”.

Misteri i prindërve të tyre ka zgjatur për gati 8 dekada.

Por, të enjten e kaluar u bë një zbulim i jashtëzakonshëm.

Trupat e tyre ende të ruajtura u gjetën pranë njëri-tjetrit në një akullnajë në Zvicrën Jugore, së bashku me kartat e tyre të identitetit, një shishe, një libër dhe një orë që e kishin me vete. Ata kishin rënë në një gropë dhe ishin mbuluar nga bora dhe akulli.

Zyrtarët thonë se cifiti, trupat e të cilëve janë identifikuar zyrtarisht këtë janë, iu është marrë mostra e ADN-së.

Këtë e kanë bërë zyrtare policia e këtij rajoni gjatë ditës së djeshme, duke i lajmëruar kështu edhe fëmijët e tyre.

Tani funerali i tyre do të mbahet të shtunën, ka thënë Monique, duke shtuar se ata duan t’i shohin ata edhe njëherë dhe për t’i përqafuar./Indeksonline/