Vdes mamia llapjane Sanije Topanica, iu ndihmoi grave në lindje gjatë luftës
E la shkollën dhe Gjermaninë e iku në ISIS, ja në ç’gjendje u gjet 16-vjeçarja që dikur ishte… (Foto)
Forcat e ushtrisë irakiane kanë kapur një 16-vjeçare gjermane, e cila kishte braktisur shkollën për t’u bashkuar me luftëtarët e “Shtetit Islamik”.
Ajo u kap në rrënojat e Mosulit. Linda W, nga qyteti i Pulsnitz-it pranë Dresdenit, u arratis një vit më parë nga Frankfurti drejt Sirisë.
Më vonë ajo përfundoi në Mosul.
E radikalizuar që në Gjermani, ajo e ndryshoi emrin në Miriam dhe ndonjëherë postonte foto në FB me shami në kokë.
Autoritetet në Gjermani e kanë listuar atë si të dyshuar potenciale për terrorizëm.
Sipas autoriteteve, tashmë është konfirmuar se vajza e kapur është Linda W.
Ajo u kap në një sistem tunelesh në Mosul, së bashku me disa gra e vajza të tjera, disa prej të cilave me jelekë vetëvrasës në trup dhe armë automatike.
Mediat thonë se vajza punonte për policinë e Shtetit Islamik.
Mamaja e saj tha se të bijës i kanë bërë lavazh truri.
Ajo shtoi se shpreson se e bija t’i kthehet shpejt në shtëpi.
