Gazetari i Indeksonline akuzon gazetarin e RTK-së për raportim falso në Podujevë (Foto)

Burime të portalit PodujevaPRESS bëjnë me dije se gazetari i RTK-së Fazli Veliu është familjar i kryetarit Agim Veliu. Gazetari Fazli Veliu në këtë raportim si korrespodent lokal i RTK-së ka dashur më qëllim të mbulojë dështimin e kryetarit Agim Veliu rreth gjendjes alarmante në fshatrat e Podujevës.

Gazetari i Indeksonline Blerim Uka i cili është nga Podujeva, ka reaguar ashpër ndaj gazetarit të RTK-së në Podujevë Fazliu Veliu, i cili në një prononcim për RTK u shprehë se të gjitha rrugët në Podujevë janë të pastruara nga bora.

Gazetari Uka shprehu mllefin e tij në një postim në profilin e tij në facebook duke akuzuar gazetarin Veliu për raportim jo të drejtë pasi që sot në fshatin Herticë kishte vdekur një person të cilit ishte e pamundur t’i jepet ndihma e parë nga ekipet e QKMF në Podujevë si pasojë e rrugës së bllokuar nga bora.

Indeksonline kishte raportuar radhazi për gjendjen e rënduar nëpër fshatrat e Podujevës si pasojë e bllokimit nga bora, ndërsa komuna e Podujevës kishte dështuar në këtë aspekt.

Gazetari Fazli Veliu sot për Radio Televizionin Publik të Kosovës (RTK) kishte thë se rrugët e të gjitha fshatrave janë të zhbllokuara nga bora. Burime të portalit PodujevaPRESS bëjnë me dije se gazetari i RTK-së Fazli Veliu është familjar i kryetarit Agim Veliu. Gazetari Fazli Veliu në këtë raportim si korrespodent lokal i RTK-së ka dashur me qëllim të mbulojë dështimin e kryetarit Agim Veliu rreth gjendjes alarmante në fshatrat e Podujevës.

PodujevaPRESS kishte raportuar për tri ditë radhazi për rrugët e bllokuara në këto fshatra: Ballofc-Herticë, Surkish, Sfeqel, Llapashticë e Epërme, Penuhë, Lladofc, rrugët dhe trotuaret e qytetit, Dumnicë, Gllamnik, Shtedim, Rruga Lluzhan-Batllavë, Rruga Sfeqël-Batllavë, Sibofc. /PodujevaPRESS/