Koci: Aktakuzat e para të Gjykatës Speciale në vitin e ardhshëm

Avokati kosovar, Arianit Koci përmes një shkrimi në Facebook ka folur  rreth Gjykatës Speciale.

Sipas Kocit,  aktakuzat e para në Gjykatën Speciale nuk do të deponohen para pranverës së hershme të vitit të ardhshëm, transmeton Gazeta Blic.

Shënimi i plotë:

 Natyra shumështresore e procedurës penale në Gjykatën Speciale, nuk rrjedh vetëm prej seriozitetit të akuzave dhe përmbajtjes juridike, por edhe nga dēshmitë e dëshmitarëve të cilat duhet ti nënshtrohen verifikimit serioz, nga ana e Gjykatës.
Është fakt notor që mund të ketë pasur tentativë për ndërhyrje në prova gjatë hetimeve, prej palëve të treta.
Kredibiliteti i çdo prove që i është servuar Prokurorisë duhet të vërtetohet.
Prandaj, duke e ditur mirë se si funksionojnë Tribunalet ad hoc, dhe duke e pasur parasysh modus operandin e Prokurorisë, sipas analizës sime juridike, aktakuzat e para nuk do të deponohen në Gjykatën Speciale, para pranverës së hershme të vitit të ardhshëm.