Nesër nis java e nxehtë politike (Video)

Por, kjo po del se varet nga presidenti i vendit, Hashim Thaçi, shkruan gazetametro.

Disa prej tyre besojnë se thirrja për fillimin e punimeve të parlamentit do të ndodh javën e ardhshme, e dikush po beson se krejt kjo vonesë po bëhet me shkas.

Në VV kanë kritika për kohën se kur është dashur të thirret seanca për konstituimin e Kuvendit, mirëpo meqë nuk është bërë javën që shkoi, ata besojnë se kjo do të jetë java kur do të konstituohet Kuvendi.

‘Presidenti është dashur ta thërras seancën konstituive javën e kaluar. Por pasi s’ka ndodhur javën e kaluar, besoj do të ndodh këtë javë’, ka thënë Mytaher Haskuka i VV’së.

Ndërkaq, edhe Flora Brovina e PDK’së thotë se ‘ka ardhur koha që të veprojmë jo politikisht, por nacionalisht, prandaj besoj se javën që vjen do të konstituohet Kuvendi’.

Edhe në AAK është gatishmëria për këtë senacë. Këtë gjë e thotë Arbër Vllahiu, i cili thotë se po presin aktivizimin e presidentit.

E Ramiz Kelmendi nga LAA ka bërë me dije se edhe ata po presin që këtë javë të konsistuohet Kuvendi, duke u bërë kështu pasqyra e të gjitha palëve të gatshme për seancë, e cila tash mbetet vetëm në dorën e presidentit Thaçi.

Ndryshe, zgjedhjet e fundit u mbajtën më 11 qershor por u certifikuan tek më 8 korrik. E vonesa për certifikim ka bërë që të ketë vonesë edhe për konstituimin e Kuvendit, i cili me ligj duhet të bëhet jo më larg se 1 muaj nga data e certifikimit, e që del se 8 gushti është data më e largët./gazetmetro/