Pacientët në QKUK vuajnë nga vapa (VIDEO)

Pacientët po mundohen të freskohen edhe duke përdorur ventilator, ndërsa dritaret në çdo dhomë janë mbuluar me çarçaf dhe batanije, porse kjo po kryen pak punë.

Më të rëndë përballjen me temperatura të larta po e kanë në repartin e Pulmologjisë, ku janë të shtrirë pacientët me probleme në rrugët e frymëmarrjes.

Të sëmurët edhe këtu janë të detyruar që të nxehtit t’i bëjnë vet zgjidhje.
I kontaktuar me telefon Mehdi Krasniqi, nga departamenti i teknikës në QKUK beri me dije se klimatizimi i reparteve nuk  po bëhet për shkak të buxhetit.

Por ky premtoi se nga e hëna do të sjellin aparate mobile klimatizuese në disa reparte.