Vucic ‘ultimatum’ BE’së: Na thoni çka duhet të bëjmë me Kosovën

Duket se Aleksandar Vucic është i vendosur për të trasuar rrugën më të shkurtër për në BE, edhe në qoftë se ajo i bie nga Kosova.

Të paktën kështu duket pas deklaratave të fundit të presidentit serb, i cili u bën thirrje si lloj ultimatumi BE’së që t’ia qartësojnë, se çka duhet të bëjë Serbia për çështjen e Kosovës, shkruan gazetametro.

“Duket se bëhet fjalë për politikën dhe BE duhet të na thotë se çfarë politike është kjo. Prapa vërejtjeve të ndryshme rreth kapitujve 23 dhe 24 fshihet Kosova. Nëse do të ishte gjithçka në rregull sa i përket çështjes së Kosovës, do të ishim kampion edhe në të drejtat e njeriut. Pritet të shihet se çfarë do të jetë rreth Kosovës, por na thoni haptas çfarë është kjo që duhet të bëjmë dhe deri kur”, ka thënë Vucic.

Tutje Vucic ka thënë se kjo pritje e Serbisë duke mos ditur qartë rrugën për anëtarësim në BE, është një ‘ferr’ për qytetarët e tij, pasi siç ka thënë ai, Serbia nuk ka rrugë alternative dhe gjendet në rrugën e anëtarësimit në këtë union./gazetametro/