Matoshi: PAN do ta formojë Qeverinë, të tjerat janë llafologji humbësish ose propaganda partiake!

Anëtari i AAK-së Halil Matoshi në një prononcim për “GazetaBlic” ka thënë se votuesit i kanë dhënë të drejtën koalicionit PAN për formimin e Qeverisë.

Matoshi po ashtu i është kundër përgjigjur zyrtarëve nga koalicioni LAA dhe VV-ja që thanë se mbledhja konstituive po shtyhet për shkak se PAN është në krizë, e për këtë ai thotë se koalicioni fitues PAN nuk e thirr seancën këtë e bënë presidenti i shtetit në bazë të Kushtetutës.

“Sovrani ia ka dhënë të drejtën (dhe për këtë vlen presedani i verdiktit të Gjykatës Kushtetuese më 2014) koalicionit PAN që ta ndërtojë Qeverinë që do ta drejtojë vendin në katër vjetët e ardhshme nën drejtimin e Ramush Haradinajt dhe në këtë aspekt gjithçka është në rregull.

Në rast se Presidenti i Republikës së Kosovës nuk është në gjendje të thërrasë seancën e parë, Kuvendi mblidhet pa pjesëmarrjen e Presidentit”

Për “GazetaBlic” Matoshi po ashtu ka thënë se Haradinaj e ka konfirmuar se Qeveria e tij do të votohet në Kuvendin e Republikës së Kosovës konform me Kushtetutën e vendit, me së paku 61 deputetë.

Ndër të tjera Matoshi theksoi se ekziston edhe një rregull i pa shkruar, Seancën ta drejtojë deputeti më i moshuar i zgjedhur, e që sipas tij është deputeti i VV-së Adem Mikullovci.

“I nominuari i koalicionit per Kryeministër zoti Haradinaj tashmë e ka konfirmuar se Qeveria e tij do të votohet në Kuvendin e Republikës konform me Kushtetutën e vendit, me së paku 61 deputetë.. Të tjerat janë ende llafologji humbësish që përket në rrafshin e luftës me nerva ose propagandave partiake. Ndërsa ekziston një rregull e pashkruar, ceremoniale që seancën ta drejtojë deputetei më i vjetër i zgjedhur, që në këtë rast është deputeti i Lëvizjes VV Adem Mikullovci”, kështu përfundoi Matoshi për Gazeta Blic