Ajsbergu sa gjysma e Kosovës shkëputet nga akulli në Antarktik (Video)

Një ajsberg me madhësi një herë më të madhe se shteti i Luksemburgut është shkëputur nga akulli në gadishullin e Antarktikut, transmeton gazetametro.

Pas kësaj shkëputje, i tërë akulli në atë pjesë të botës është 10 përqind më i vogël, duke bërë kështu që të ndryshojë komplet forma e gadishullit, shkruan The Guardian.

Me madhësi prej 5,800 kilometrash katrorë, besohet se është një ndër ajsbergët më të mëdhenj që kanë ekzistuar ndonjëherë.

Anna Hogg nga Universiteti i Leeds tha se shkëputja e kësaj pjese shënon një prej ngjarjeve më të rëndësishme që kanë ndodhur në këtë pjesë të botës.

Çarja në mes të akullit dhe ajsbergut u rrit me kohë, por në periudhën 25 dhe 31 majit, çarja u zgjerua me 17 kilometra.

Ajbergu – pjesa e shkëputur nga akulli bazë – tani mund të qëndrojë i ngrirë për dekada me radhë, varësisht nga vendi ku e dërgon rryma e oqeanit.

Vlen të theksohet se ajsbergu i shkëputur është sa rreth gjysma e territorit të Kosovës. /gazetametro/