Vdes mamia llapjane Sanije Topanica, iu ndihmoi grave në lindje gjatë luftës
Sondazhi që demoralizon edhe më tutje kryeministren britanike
Laburistët e Jeremy Corbyn kanë dal partia e parë në sondazhin më të ri në Britani të Madhe duke e tejkaluar Partinë Konservatore të Theresa May.
Kjo është goditja e radhës për shefen e qeverisë britanike e cila vendosi të mbahen zgjedhje të jashtëkonshme më 8 qershor me bindjen se do e forcoj pushtetin e saj, raporton Gazeta Express.
Rezultati megjithatë ishte pothuajse shkatërrues për të pasi laburistët britanik arritën rezultat shumë më të mirë, derisa konservatorët mezi e bën qeverinë duke humbur jo pak ulëse në parlamentin britanik.
Kjo ka nxitur mediat britanike të spekulojnë se ministrat aktual të May po planifikojnë një “puç” ndaj lidershipit të kryeministres britanike në vjeshtë të këtij viti.
Kjo, gjithmonë duke iu referuar mediave britanike, pritet të realizohet përmes një mori dorëheqjesh të ministrave.
Sondazhi i ‘YouGov’, i pari pas zgjedhjeve të 8 qershorit, vendos laburistët me tetë pikë para konservatorëve.
Sondazhi i realizuar për “The Times” zbulon se 46 % e publikut tani përkrahë laburistët, 38% e britanikëve përkrahin konservatorët, ndërsa liberal-demokratët e kanë përkrahjen e vetë 6 % të votuesve.
Më 8 qershor rezultati ishte: Partia e May mori mbi 36 %, ndërsa laburistët e Corbyn fituan mbi 30 % të votave./ Gazeta Express
