Komunës së Podujevës në prag të zgjedhjeve lokale i kujtohet se ka gropa në qendër të qytetit

Dje, në rrugën kryesore të  qendrës së qytetit, Rr. “Zahir Pajaziti”, një kompani e kontraktuar nga komuna e Podujevës ka filluar të bëjë mbylljen e gropave që për katër vite askush nuk është marr me to, njofton PodujevaPRESS.com

Agim Veliut si duket humbja e madhe e votave për LDK-në, sidomos  në qytet, ka bërë që të mobilizohet duke bërë gjoja se ka investime në qytetin e Podujevës.

E njëjta qasja ndaj qytetarëve ka ndodh edhe në fundin e vitit 2013 pak para zgjedhjeve lokale, kur kryetari Veliu premtonte investime marramendëse nëpër qytet dhe fshatra.

Gjersa kompania e kontraktuar bënte mbylljen e gropave komentet e qytetarëve ishin nga më të ndryshmet: “tash është vonë”, ” sa mirë kur ka zgjedhje” etj.