Veseli: Dita e Pavarësisë së Amerikës është e bekuar për ne

Kryetari i PDK-së, Kadri Veseli është shprehur se Dita e Pavarësisë së SHBA-së është e bekuar edhe për Kosovën sepse sipas tij ajo është mburojë e lirisë dhe pavarësisë së shtetit tonë.

Ai në një publikim në Facebook ka shkruar “Zoti i bekoftë SHBA-të dhe miqësinë nëpërmjet popujve dhe shteteve tona”.

“Dita e Pavarësisë së SHBA-së është ditë e bekuar edhe për ne sepse Amerika ishte dhe mbetet mburojë e lirisë dhe pavarësisë sonë në historinë e re. Vlerat dhe principet amerikane mbesin fanar udhëzues për demokracinë tonë inkluzive, dhe me mundësi të barabarta për të gjithë. Zoti i bekoftë SHBA-të dhe miqësinë nëpërmjet popujve dhe shteteve tona”, ka shkruar ai, përcjell gazetametro.