Pas Pacollit, Titon mund ta shihni cullak edhe ju (FOTO)

Prej sot edhe ju mund të thoni lirisht se nuk është i vetmi presidenti i AKR-së që ka pasur “nderin” ta shohë trupin e Titos pa rroba.

Këtë jua mundësojnë mediet serbe të cilat sot kanë publikuar një foto nudo të Titos.

Pak kohë pasi Behgjet Pacolli tha se e ka parë Josip Broz Titon nudo, pasi rrëfeu se ishte roje i tij gjatë shërbimit ushtarak në ish-Jugosllavi, në Serbi ka nisur të qarkullojë një foto intime e kryetarit të ndjerë të ish-Jugosllavisë.

Fotografia në të cilën shihen “jugosllavët” me Titon pothuajse i zhveshur është shkrepur në kampin ushtarak francez.

Me rastin e eksplorimit të gazetarit dhe publicistit Zeljko Zirojeviç në lidhje me jetën e Josip Broz Titos, ai ka hasur në këtë fotografi krejtësisht të panjohur për publikun.
Siç është raportuar nga “Glas Javnosti”, kjo fotografi zbulon se Tito ishte anëtar i forcave ndërkombëtare në Spanjë.