Instrumentale shumë e bukur me titullin “Homazh”, në kujtim të atyre që
Zgjedhjet në komuna “prishin” koalicionet për Qeverinë
Pikërisht për shkak të zgjedhjeve lokale, që do të mbahen më 22 tetor 2017, po shihet vështirë i realizueshëm koalicioni paszgjedhor për formimin e institucioneve qendrore mes “Vetëvendosjes” dhe LDK-së, pasi që këto dy të fundit janë rivalët kryesorë politikë në Komunën e Prishtinës, Gjilanit, Ferizajt, Vitisë etj.
Zgjedhjet lokale, të cilat pritet të mbahen më 22 tetor të këtij viti, paraqesin njërën prej pengesave kryesore për arritjen e marrëveshjeve mes partive politike për formimin e Qeverisë së re.
Pikërisht për shkak të zgjedhjeve lokale, që do të mbahen pas pak muajve, po shihet vështirë i realizueshëm koalicioni paszgjedhor për formimin e institucioneve qendrore mes “Vetëvendosjes” dhe LDK-së, pasi që këto dy të fundit janë rivalët kryesorë politikë në Komunën e Prishtinës, Gjilanit, Ferizajt, Vitisë etj., shkruan “Zëri”.
Prandaj, nëse koalicioni PAN nuk arrin t’i sigurojë numrat e nevojshëm në Kuvend, vendi me gjasë do të shkojë përsëri në zgjedhje, pasi që koalicioni LDK-AKR-Alternativa me shumë gjasë nuk do të arrijë marrëveshje me lëvizjen “Vetëvendosje” për bashkëqeverisje në nivel qendror, për shkak të këtij rivaliteti në nivel lokal.