Presidenti vendos që zgjedhjet lokale të mbahen me këtë datë (Dokument)

Presidenti i Republikës së Kosovës, Hashim Thaçi, ka caktuar datën 22 tetor 2017 për mbajtjen e zgjedhjeve lokale.

Sipas një komunikate të Presidencës thuhet se ky vendim është marr në përputhje me kompetcat ligjore e kushtetuese të tij.

“Në mbështetje të nenit 4 të Ligjit Nr.03/L–072 për Zgjedhjet Lokale, nenit 6 të Ligjit Nr.03/L–094 për Presidentin e Republikës së Kosovës, pas konsultimit me partitë politike, presidenti Thaçi ka marrë vendim që zgjedhjet për organet vetëqeverisëse lokale të mbahen më 22 tetor 2017”, thuhet në komunikatë.

Presidenti ka udhëzuar Komisionin Qendror të Zgjedhjeve që t’i ndërmarrë të gjitha veprimet e nevojshme për organizimin dhe mbajtjen e zgjedhjeve lokale, në përputhje me vendimin e tij dhe legjislacionin në fuqi.

Presidenti Thaçi sot ka mbajtur një takim më përfaqësues të partive politike për të marr propozimet e tyre për datën e zgjedhjeve lokale. Në këtë takim shumica e partive kanë propozuar 22 tetorin si datë për zgjedhjet lokale./PodujevaPRESS.com/