​Iniesta te gjigant i Serie A, nuk është Juventus (Foto)

Mesfushori spanjoll, Andres Iniesta ka kontratë me Barcelonën deri në vitin 2018 dhe ende nuk ka vendosur për vazhdimin e saj.

Kjo ka bërë që disa skuadra të mëdha evropiane të interesohen për shërbimet e tij.

Fillimisht lojtari ishte kërkuar nga Juventus, por ata tashmë janë tërhequr nga gara, duke kërkuar mesfushorë të tjerë.

Por, sipas La Gazzetta dello Sport, për lojtarin në garë ka hyrë Inter, pasi lojtari pëlqehet shumë nga trajneri Luciano Spalletti.

Drejtori Sportiv i Interit, Piero Ausilio të hënën ka darkuar me Drejtorin e Barcelonës, Ariedo Braida, ku temë diskutimi ishte spanjolli.

Po ashtu në këtë takim u bisedua edhe për mbrojtësin e djathtë të Barcelonës, Aleix Vidal. /Express/