Vdes mamia llapjane Sanije Topanica, iu ndihmoi grave në lindje gjatë luftës
Këto janë fjalët e fundit të matadorit të sulmuar nga demi, para se ai të vdiste (Video)
Fjalët e fundit të matadorit Ivan Fandino derisa po dërgohej në spital pasi që ishte sulmuar nga demi në ring, ishin: “Ngutuni, ngutuni, po vdes.”
Spanjolli 36-vjeçar u shpua me brirë nga demi gjysmë-toni i rëndë, pasi që kishte shkelur në pelerinën e vet gjatë një festivali të demit të shtunën në Francë, transmeton Express.
Juan del Alamo, një matador i cili më pas e vrau demin, ka thënë: “Nuk mund të besoj. Asnjëri nga ne nuk mund të kuptojë se si ka mundur të ndodhë kjo; gjithçka ndodhi shumë shpejt.”
Fandino, matador për 12 vjet, vinte nga vendi bask. Ai vdiq pasi brinjët e demit ia shpuan disa organe jetësore, përfshirë edhe mushkëritë.
Mediat franceze raportuan se ai kishte pësuar sulm ne zemër rrugës për në spital. /Express/
