“Gabim strategjik” nëse Qeveria do të varej nga Lista Serbe

Lista Serbe, e cila ka arritur të sigurojë shumicën e mandateve të këtij komuniteti në Kuvend, ka paralajmëruar bllokadë të iniciativave që mund të vijnë nga shumica shqiptare, shkruan sot Koha Ditore.

Sa i përket koalicionit paszgjedhor, ky subjekt nuk është përcaktuar ende.Përfshirja e komuniteteve në institucione është obligim kushtetues.

Lista Serbe, subjekt që ka siguruar gati dhjetë ulëset e Kuvendit të rezervuar për serbët, më herët është deklaruar kundër votës për Haradinajn, shkaku që Beogradi zyrtar e akuzon për krime lufte.

I papranueshëm për Listën Serbe deri tani ka qenë edhe Albin Kurti, i nominuari i Lëvizjes Vetëvendosje për kryeministër, për shkak të qasjes ndaj dialogut me Serbinë dhe Asociacionit të Komunave me Shumicë Serbe.