Lata: PDK-ja s’ka dështuar, do t’i fitojmë zgjedhjet lokale në Llap

Partia Demokratike e Kosovës ka fituar 28.2% të votave në Komunën e Podujevës, duke u renditur në këtë mënyrë pas LDK-së dhe Vetëvendosjes. Sipas rezultateve të KQZ-së nuk pritet që asnjë kandidat i kësaj partie të sigurojë ulëse në Kuvendin e Kosovës.

Ish- deputeti i kësaj partie, Latif Gashi nuk mendon se kjo ‘rënië’ e këtyre kandidatëve mund të quhet ‘dështim’. Ai thotë se në këtë rast ka munguar bashkëpunimi në informim me qytetarët e kësaj ane. Sipas tij, ky është një mësim i mirë për të ardhmen.

“Nuk besojë se kandidatët kanë dështuar, duhet së pari të jemi falënderues ndaj qytetarëve që procesi ka shkuar i qetë, ka qenë një proces shumë demokratik me të gjitha strukturat tjera që janë kujdesur. Rezultati i PDK-së në Llap si subjekt nuk dallon shumë, kemi zbritje vetëm 1.5 mijë vota me zgjedhjet e kaluara”, ka thënë Gashi në një bisedë për Indeksonline.

Më tej, sa i shpreh besimin e tij, se në zgjedhjet lokale PDK do të dalë shumë e suksesshme. “Ne pas certifikimit të rezultateve edhe nga dega në Besianë do ta bëjmë një analizë dhe do të shohim se ku kemi gabuar, ku mendojë se e gjitha ka të bëjë me mungesën e informimit dhe mungesa e bashkëpunimit për të qenë sa më afër qytetarit. PDK ka punuar shumë në këtë komunë. Kjo do të jetë si mësim për të ardhmen edhe për zgjedhjet lokale, ku mendojë se do të dalim shumë më mirë”, ka shtuar ai.

Latif Gashi nga Partia Demokratike e Kosovës, konsideron se me Lidhjen Demokratike të Kosovës vendi asnjëherë nuk do të ecë përpara. Sipas tij, kjo parti nuk di të marrë vendime të mëdha. “Kosova kurrë nuk do të ecë përpara, ngase strukturat e saj në përgjithësi nuk dinë me marr vendime të mëdha”, ka thënë Gashi për Indeksonline. I pyetur se a mund të bashkëqeverisin PDK dhe LDK edhe për një mandat tjetër, Gashi ka thënë: “Sa i përket bashkëqeverisjes, nëse nuk ka zgjidhje tjera me kryeministrin tonë që e kemi mandate atëherë besojë se mund të bashkëqeverisim”, ka shtuar Gashi, duke shtuar se PDK-ja në zgjedhjet lokale do ti fiton zgjedhjet ne Llap!/Indeksonline/