Lata i reagon Isa Mustafës: Mos i gënjeni qytetarët, PDK-ja ka investuar miliona euro në Podujevë (Dokument)

Ish deputeti i PDK-së, Latif Gashi ka demanton kryetarin e LDK-së, njëherësh kryeministrin në largim, Isa Mustafen, i cili ditën e hapjes së fushatës elektorale në Podujevë deklaroi se dy ish-qeveritë e PDK-së e kanë diskriminuar qytetin e Podujevës, duke mos investuar në Llap.

Gashi ka thënë se nuk janë aspak të vërteta fjalët që i ka thënë Mustafa para elektoratit të tyre në fushatën zgjedhore. Më tej, ish-deputeti sqaron për “Indeksonline” se në Komunën e Podujevës gjatë qeverisjes se PDK-së, të udhëhequr nga Hashim Thaçi, nga viti 2008 deri në vitin 2014,  janë investuar mbi 60 milion euro.

“Këto investime janë bërë nga  buxheti qendror, të cilat janë të faktuara edhe me dëshmi duke mos llogaritur këtu edhe projektet ne vazhdim nga kjo qeverisje për kohen e qeveris Mustafa. Thënë më shkurt, Qeveria e LDK-së e udhëhequr nga Isa Mustafa e ka diskriminuar Komunën e Podujevës me investime nga buxheti qendror, duke mos e iniciuar asnjë projekt të ri kapital në Llap, të cilën gjë po ua dëshmoj edhe me këto dokumente zyrtare”, ka thënë ai.

Sipas Gashit, gjatë qeverisjes “Mustafa” (2015-2017) janë ndarë vetëm 9,646,545 euro, pra mjete këto vetëm për projekte të filluara nga Qeveria Thaçi, duke përfshi këtu edhe zgjerimin e rrugës-Prishtinë-Podujevë për të cilin projekt u morr vendimi në fillim te vitit 2014.

Më poshtë, ua sjellim dokumentet të cilat, sipat Latif Gashit, argumentojnë investimin e partisë së tij në këtë komunë: