Vdes mamia llapjane Sanije Topanica, iu ndihmoi grave në lindje gjatë luftës
Provat e reja “tronditin” botën: Titaniku nuk u mbyt për shkak të përplasjes me një ajsberg
Mbytja e anijes më të famshme në botë, Titanikut, mund të jetë shkaktuar nga një zjarr i madh në bord, dhe jo nga goditja me një ajsberg në Atlantikun e Veriut, kanë pohuar ekspertët, pas publikimit të provave të reja për të mbështetur teorinë.
Më shumë se 1.500 pasagjerë humbën jetën kur anija gjigante e nisur nga Southampton për në Nju Jork, në prill të vitit 1912, u mbyt në det, raporton “The Independent”.
Ndërkohë që shkaku i katastrofës i është atribuuar për një kohë të gjatë ajsbergut, provat e reja kanë përmbysur të gjitha teoritë, shkruan syri.net. Studiuesit thonë se Titaniku u mbyt për shkak të një zjarri në bordin e anijes, i cili ka qenë aktiv pa u vënë re për pothuajse tre javë, dhe ishte ai që çoi në përplasje.
Gazetari Senan Molony, i cili ka kaluar më shumë se 30 vjet duke studiuar fundosjen e Titanikut, studioi fotografitë e marra nga inxhinierët kryesorë të anijes.
Ndërkohë që ekspertët kanë pranuar edhe më parë teorinë e një zjarri në bord, analiza e re e fotografive të rralla, ka bërë që kërkuesit të fajësojnë zjarrin si shkaku kryesor i mbytjes së Titanikut.
