Vdes mamia llapjane Sanije Topanica, iu ndihmoi grave në lindje gjatë luftës
Haradinaj: Veteranët e luftës do t’i trajtojmë sikurse Amerika
Kandidati për kryeministër të Kosovës nga radhët e koalicionit PDK-AAK-Nisma, Ramush Haradinaj, ka thënë se femrat në Kosovë që nga mandati i ardhshëm qeverisës do të jenë pjesë e vendimmarrjes.
Në tubimin e radhës të AAK’së me qytetarë, kreu i partisë, Haradinaj, shtoi se Kosova po ashtu do të ndjek rrugën e miqve të saj për trajtimin e invalidëve dhe veteranëve të luftës, njofton Klan Kosova.
Shembull konkret në këtë rast mori Shtetet e Bashkuara të Amerikës, derisa ripërsëriti se pensioni i veteranëve nuk do të nxjerret në krahasim me të drejtën e tyre për punë.
”Femrat do të jenë pjesë e vendimmarrjes. Kosova duhet të jetë shumë e kujdesshme në trajtimin e invalidëve të luftës”, ka thënë Haradinaj.
”E drejta e veteranit është universale, është e garantuar. Kosova do ta ndjek rrugën e miqve të saj për të drejtën e veteranëve. Shembull konkret do të jetë Amerika, ju e dini se çfarë respekti dhe çfarë trajtimi u bëjnë SHBA-të veteranëve të tyre”, ka deklaruar ai.
”Pensioni i veteranëve nuk do të nxjerret në krahasim me të drejtën për punë”, ka thënë Haradinaj.
