“Të vras”, “E han plumbin” | Çifti e kërcënojnë njëri – tjetrin
![Adem Salihaj thotë se Isa Mustafa iu hakmor sepse votoi kundër Thaçit](https://podujevapress.net/wp-content/uploads/2017/05/adem-Salihaj.jpg)
Adem Salihaj thotë se Isa Mustafa iu hakmor sepse votoi kundër Thaçit
Ish-deputeti i Lidhjes Demokratike të Kosovës Adem Salihaj, ka reaguar pas mos përfshirjes në listën e kësaj partie për deputet në zgjedhjet e 11 qershorit. Një veprim të tillë nga partia që udhëhiqet nga Isa Mustafa, ai e quan të padrejtë dhe që bie ndesh me parimet e demokracisë.
Thotë se mendon se u hoq nga lista për shkak se kishte votuar kundër koalicionit me PDK’në.
“Eliminimi im u bë për shkak se votova kundër koalicionit me PDK’në, si dhe kundër zgjedhjes së Kadri Veselit për kryetar të kuvendit dhe Hashim Thaçit për president i Kosovës”, shkruan Salihaj në Facebook.
Shkrimi i plotë i Salihajt në Facebook:
Tashmë u publikua lista zyrtare e kandidatëve për deputetë e LDK-së dhe ndodhi ajo që ishte pritur-u eleminuan nga lista 5 deputetë të deritashëm , në mesin e të cilëve jam edhe unë.
Konsideroj se ky veprim nuk është i drejtë dhe bie ndesh me parimet elementare të demokracisë se brendshme.
Eleminimi im u bë për shkak se votova kundër koalicionit me PDK-në, si dhe kundër zgjedhjes së Kadri Veselit për kryetar të kuvendit dhe Hashim Thacit për president i Kosovës.
Lidhur me Marreveshjen e demarkacionit, u deklarova se nuk do ta votoj, ndonëse ajo nuk u soll asnjëherë në kuvend për votim.
Lidhur çështjen e koalicionit, në kuadër të të cilit përfshihen edhe zgjedhja e Thaçit dhe Veselit, organet e LDK-së për katër vite me radhë, duke ndjekur zërin e elektoratit tonë, kishin qëndrim të prerë se nuk do të bëhet koalicion me strukturat kriminale të PDK-së dhe SHIK-ut. Këtë qëndrim e kanë përcjellur për 4 vite me radhë te anëtarësia e LDK-së dhe te publiku, kryetari i LDK-së Isa Mustafa, nënkryetarët dhe sekretari i përgjithshëm Ismet Beqiri. Asnjë organ i LDK-së asnjëherë nuk ka marrë vendim që të bëhet koalicion me PDK-në, prandaj konsideroj se qëndrimet e mija kanë qenë në përputhje me vendimet e organeve të LDK-së . Po të pyetesha edhe tash, sërish do ta mbaja të njëjtin qëndrim, sepse konsideroj se është qëndrim i drejtë dhe është në përputhje me zërin e fuqishëm të elektoratit të LDK-së.
Une pata shumë pasoja për shkak të qëndrimeve të mija parimore, por pavarësisht këtyre pasojave , unë do të qëndroj me dinjitet, ashtu siç kam qëndruar para shumë sfidave e kërcënimeve që kam pasur në vazhdimësi, para, gjatë dhe pas luftës, deri edhe te kërcënimi për jetën.
I falënderoj të gjithë përkrahësit dhe simpatizantët e shumtë ,të cilët gjatë gjithë kohës më qëndruan pranë dhe më inkurajuan që të qëndroj drejt dhe ta dëgjoj zërin e tyre.
U premtoj se do ta vazhdoj punën dhe veprimtarinë time në LDK dhe se zëri i tyre përherë do të jetë orientim për mua. AS
Edhe ish-deputeti i Lidhjes Demokratike të Kosovës, Fatmir Rexhepie ka cilësuar si një lëshim politik dhe të padrejtë lënien jashtë listës së kandidatëve për deputet.
Jashtë listës së LDK’së ka mbetur edhe Shpejtim Bulliqi, deputeti më i zëshëm kundër Demarkacionit.