“Të vras”, “E han plumbin” | Çifti e kërcënojnë njëri – tjetrin
![Vjosa Osmani e vetme mori vota sa e gjithë AKR](https://podujevapress.net/wp-content/uploads/2017/05/vjosa31051.jpg)
Vjosa Osmani e vetme mori vota sa e gjithë AKR
Isa Mustafa përjashtimin më me qejf që do ta bënte nga të rebeluarit e partisë së tij, do të ishte ish deputetja Vjosa Osmani, por këtë nuk po e bën me lehtësi, sikurse e bëri me Shpejtim Bulliqin e Adem Salihajn.
Ish deputetja Osmani në zgjedhjet e kaluara të vitit 2014, kishte arritur që t’i merrte si e vetme rreth 40 mijë vota. Nëse kjo krahasohet me partinë e Behgjet Pacollit, ajo e vetme mori vota sa e gjithë AKR, në kohën kur në parti e kishte edhe Mimoza Kusari-Lilën.
LDK nëse e përjashton Osmanin, e cila refuzoi të votojë Mustafën për kryeministër, në parlament do ta ketë një deputet rebel më pak, por rrezikon të humb vota të cilat partisë do t’i sillnin deputetë aq sa partia e Pacollit, të cilës i kanë dhënë rreth 30 për qind të listës për deputetë.
Kur kanë mbetur edhe pak orë deri te përfundimi i afatit për dorëzimin e listës për deputetë në KQZ, Osmani sipas burimeve të Gazeta Metro, është duke u kontaktuar nga parti të tjera, që atë e donë në listat e tyre.
Sipas rezultatit zyrtar të KQZ’së, Osmani, në vitin 2014 kishte marrë 39,911 vota, duke u bërë njëra nga deputetet më të votuar në Kuvendin e Kosovës.
Osmani deri vonë shumë e afërt me Mustafën, kishte dalë kundër shefit të saj, kur LDK pranoi të hyjë në qeveri në koaliicon me PDK’në.