“Të vras”, “E han plumbin” | Çifti e kërcënojnë njëri – tjetrin
![KUR “Prishtina” kërkon nga konsumatorët shlyerjen e borxheve](https://podujevapress.net/wp-content/uploads/2017/05/kur-prishtina_1495011141-6608164.jpg)
KUR “Prishtina” kërkon nga konsumatorët shlyerjen e borxheve
KUR “Prishtina” ka kërkuar nga konsumatorët borxhlinj që të paguajnë shërbimet e tyre në mënyrë që të bëhen pagesat për kthimin e kredisë me të cilën u ndërtua fabrika e ujit në Shkabaj.
Ndërtimi Fabrikës për përpunimin e ujit në Shkabaj është projekti më i madh dhe më i kushtueshëm që nga themelimi i KRU “Prishtina”, projekt ky i cili ka zgjidhur problemin e furnizimit me ujë të pijshëm për Prishtinën, duke eliminuar reduktimet e dikurshme, në furnizim 24 orë pa ndërprerë. Kosto totale e ndërtimit të Fabrikës në Shkabaj është 35 milionë euro nga të cilat donacione janë 5 milionë nga Komisioni Europian, 5 milionë nga Qeveria e Republikës së Kosovës, 5 milionë nga Komuna e Prishtinës si dhe 20 milionë kredi të marra nga KRU “Prishtina” përmes KFW-së.
“Prandaj, konsumatorë të nderuar duke pasur parasysh se jemi në faza të investimeve të mëdha dhe të kthimit të kredisë në mënyrë që t’i rrisim kapacitetet dhe t’i përmirësojmë shërbimet tona, kërkojmë nga secili prej jush që në mënyrë të vazhdueshme të bëni pagesat e ujit dhe shërbimeve të tjera me qëllim të avancimit të punës tonë”, ka apeluar KUR “Prishtina” në një komunikatë për media.
Ujësjellësi bën të ditur se kanë mbetur vetëm edhe pak muaj deri në datën kur edhe do të shfuqizohet Ligji për Faljen e Borxheve Publike (1 shtator 2017).
“Ua kujtojmë edhe një herë se ky Ligj mundëson faljen e borxheve për periudhën ndërmjet viteve 1999-2008. Personeli i KUR ”Prishtina” sh.a. në Prishtinë është i gatshëm që bashkë me secilin konsumator, të gjejë zgjidhje optimale për çdo konsumatorë borxhli”, thuhet ne njoftim.
Ujësjellësi thotë se konsumatorët borxhlinj që e humbin këtë rast do të përballen me: Shkyçje nga rrjeti i furnizimit me ujë, Faturimin e shërbimit të vërejtjeve dhe shkyçjes-rikyçjes, Paditë Gjyqësore, Arkëtimi i dhunshëm përmes përmbaruesve privat.
Procedurat e rregullimit të borxheve bëhen në zyrat e selisë qendrore në Prishtinë dhe në zyrat e ndërmarrjes në komunat: Fushë Kosovë, Obiliq, Podujevë, Drenas, Shtime, Graçanicë dhe Lipjan.