Simpatizantët ‘e gozhdojnë’ Pacollin: Edhe ti si ai me qershitë!

Lidhja e koalicionit ndërmjet AKR-së dhe LDK-së, nuk është pritur fare mirë nga simpatizantët e Behxhet Pacollit.

Në njoftimin për nënshkrimin e këtij koalicioni, në profilin e tij në Facebook, Pacolli këtë veprim të tij e quan “shpresë për Kosovën”.

Por qindra komentues e kanë ‘gozhduar’ Pacollin duke mos u pajtuar me atë çfarë ai ka bërë.

“Bravo t’koftë. edhe atë shpresë të fundit që e patëm, na e humbe. Të fullirati Isa”, shkruan një komentues.

Një tjetër është edhe më i vrazhdë. “Kurrgjë nuk të ka bërë Hashimi, çfarë do të të bëjë Isa”, shkruan një tjetër.

Dikush i bie edhe më shkurt duke u mjaftuar me një  “Turp”.

Madje komentet kanë qenë aq të forta sa e kanë shtyrë Pacollin të reagojë edhe vetë.

” Mos u nguteni….. Është  e vetmja shanse me e rindërtuar Kosovën në binarë të drejtë. Ishte me e mira e mundur dhe do të shihni  se ndryshimi po vjen”. ka shkruar Pacolli, duke iu drejtuar ndjekësve të tij në Facebook.

Por kjo ka qenë e kotë. Sharjet dhe dëshpërimi i simpatizantëve të tij ka vazhduar. Madje duket se ky dëshpërim ka prekur edhe bashkatdhetarë që kanë menduar të vijnë për të votuar për të.

” Marre ju qoft bree.. na i djege edhe biletat e aeroplanit me ardhë me votu për juve .. Turp Turp Turp Turp …Ma gjej vetëm një koment pozitiv !!!!”, shkruan  një komentues tjetër.

Përveç të tjerëve, një komentues ishte shumë më origjinal. tërë këtë situatë të AKR-së dhe Behxhet Pacollit e përshkruan në këtë mënyrë.

“Edhe ti si ai me qershitë…! Deri diku me je dukur politikan dhe njeri i drejt e i suksesshëm, por gabim e paskam pas. Edhe ti me keq se te tjerët”.