Vdes mamia llapjane Sanije Topanica, iu ndihmoi grave në lindje gjatë luftës
Opozitarët s’merren vesh për të shkuar bashkë në zgjedhje, Haradinaj e fton Pacollin në koalicion me AAK’në
Pavarësisht se sot kanë pasur një takim, udhëheqësit e AAK’së, NISMA’së, Vetëvendosjes dhe AKR’së nuk kanë arritur asnjë marrëveshje. Ndërkohë, burime tregojnë se Ramush Haradinaj ka ftuar Pacollin t’i bashkëngjitet koalicionit të AAK’së me NISMA’n për Kosovën.
VV, AAK , NISMA e AKR takohen dhe flasin për koalicion parazgjedhor
Udhëheqësi i NISMA’s për Kosovën, Jakup Krasniqi, ka konfirmuar për Gazetën Express se ka ndodhur një takim sot ndërmjet udhëheqësve të AAK’së, VV, AKR e NISMA’s për Kosovën.
“Kemi diskutuar edhe për koalicioni parazgjedhore e paszgjedhore”, ka thënë Krasniqi për Express.
Ai ka treguar se në takim ishte edhe ish-Ambasadori Wolker, ndërsa, takimi ka ndodhur në Parkun Gërmia, në periferi të Prishtinës.
Muharrem Nitaj i AAK’së ka thënë se takimi i udhëheqësve të partive ishte ide e Ambasadorit Wolker.
Në takim kanë marrë pjesë: Ramush Haradinaj, Behgjet Pacolli, Visar Ymeri, Shpend Ahmeti e Jakup Krasniqi.
Burime nga takimi tregojnë se partitë opozitare nuk kanë arritur marrëveshje për të shkuar në zgjedhje në një koalicion.
