Vdes mamia llapjane Sanije Topanica, iu ndihmoi grave në lindje gjatë luftës
“Fillimi i ri” në rrugët e Prishtinës
Kreu i Partisë Demokratike, Kadri Veseli, pas votimit të mocionit të mosbesimit ndaj qeverisë, doli me një mesazh, ku u konfirmua se “Fillimi i ri”, do të jetë moto e kësaj partie në fushatën e zgjedhjeve, që u caktuan të mbahen më 11 qershor.
Në zgjedhjet e parakohshme fushata zgjedhore planifikohet të mbahet 10 ditë, afat ky që nuk ka filluar akoma, megjithatë “Fillimi i ri” është shfaqur nëpër rrugët e Prishtinës, me anë të billbordeve.
Ndonëse nuk bëhet fjalë për ndonjë thirrje publike dhe nuk ka numër të subjektit politik, por vetëm promovohet slogani partiak dhe kjo nuk përbën shkelje, si duket PDK-ja dhe Lëvizja Vetëvendosje janë më të përgatiturat për këto zgjedhje.
Më parë, Veseli i kishte realizuar edhe dy ture dëgjimore, një me qytetarë ku kishte dëgjuar për problemet e tyre dhe një tjetër me ekspertë, me të cilët kishte diskutuar rreth zgjidhjes së këtyre problemeve të qytetarëve.
Dje kreu i PDK-së kishte zhvilluar takime me sipërmarrës në shoqërinë e anëtares më të re të kësaj partie, Arbana Xharra.
Ndryshe, “Fillimi i ri” ishte slogani që u bë i njohur bashkë me Veselin, kur ai u vu në krye të PDK-së, pasi ish-lideri i saj, Hashim Thaçi, u zgjodh President.
