AAK-Nisma nuk e presin AKR-në e Pacollit, e ndajnë listën zgjedhore 72 (AAK) – 38 (Nisma)

Aleanca për Ardhmërinë e Kosovës dhe Nisma për Kosovë numrin e përfaqësuese në listëm zgjedhore do ta ndajnë në bazë të fuqisë politike.

Burime të lajmi.net bëjnë të ditur se nga 110 kandidatët total të cilët do të jenë në listën zgjedhore AAK-Nisma, 72 kandidatë do t’i takojnë AAK-së, ndërsa 38 Nismës.

Kjo lë të kuptohet se AAK-Nisma nuk është duke pritur vendimin e partisë së Behgjet Pacollit për t’iu bashkuar këtij koalicioni parazgjedhor.

Presidenti i vendit, Hashim Thaçi ka caktuar datën e zgjedhjeve të parakoheshme më 11 qershor.

Ndërsa fushata parazgjedhore pritet të fillojë më 1 qershor dhe të zgjasë 10 ditë. /Lajmi.net/