Sot mblidhet KQZ, caktohet edhe fushata parazgjedhore

Komisioni Qendror i Zgjedhjeve (KQZ) pritet të mblidhet sot gjatë ditës, ku do të marrë disa vendime për zgjedhjet parlamentare që do të mbahen me 11 qershor.

Në mesin e vendimeve do të jetë edhe kohëzgjatja e fushatës parazgjedhore.

Indeksonline ka kontaktuar me zëdhënësin e KQZ-së, Valmir Elezi i cili ka thënë se menjëherë pasi të shpallet zyrtarisht data e zgjedhjeve nga Presidenti i Republikës, brenda ditës mblidhet Komisioni Qendror i Zgjedhjeve.

Nëse nisemi nga parimi i zgjedhjeve të 2014 atëherë pritet që fushata parazgjedhore të zgjas 10 ditë, por kjo do të definohet përfundimisht sot në mbledhjen e KQZ-së./Indeksonline/