Cila është fytyra e vërtetë e LDK-së: Institucionalizmi apo antiinstitucionalizmi?

Lidhja Demokratike e Kosovës, e cila e paraqet veten si subjekt politik institucional, po bën lojë antiinstitucionale.

Sot, madje edhe Lëvizja Vetëvendosje ka shkuar në takim te presidenti Thaçi për të caktuar datën e zgjedhjeve, kurse Lidhja Demokratike e Kosovës, e cila mezi i kishte siguruar disa vota për ta votuar Thaçin president, tash po hiqet sikur nuk e njeh më atë si të tillë.

Një lojë të ngjashme, Lidhja Demokratike e Kosovës e kishte bërë edhe me ish-presidenten Atifete Jahjaga, të cilën dikur ishin munduar ta injorojnë.

LDK-ja si duket nuk e ka të qartë që pishmanet dhe inatet personale nuk janë norma kushtetuese dhe deri sa veten mundohet ta portretizoj si parti institucionale, mbase dikur edhe do të mësohet që t’i respektojë institucionet e shtetit.