Vdes mamia llapjane Sanije Topanica, iu ndihmoi grave në lindje gjatë luftës
Haziri: Për LDK’në, asnjë datë s’është e përshtatshme për zgjedhje
Pjesë e takimit mes presidentit Hashim Thaçi dhe partive politike për caktimin e datës së zgjedhje do të jetë edhe Lidhja Demokratike e Kosovës.
Nënkryetari i kësaj partie, Lutfi Haziri ka konfirmuar se LDK ka pranuar ftesën për diskutim.
Haziri ka thënë se është kushtetuta ajo e cila e thekson qartë se kur duhet të vendoset për datën e zgjedhjeve.
“Është Kushtetuta ajo e cila e tregon qartë se kur duhet të mbahen zgjedhjet, jo më larg se 45 ditë. Megjithatë, për LDK-në nuk është asnjë datë e përshtatshme as 11 e as 18 qershor”, ka thënë Haziri për Indeksonline.
Kuvendi i Kosovës me 78 vota pro, 34 kundër dhe 3 abstenim votoi për mocionin e mosbesimit të Qeverisë, me çka vendi shkon në zgjedhje të parakohshme, dhe se për datën pritet të vendoset nesër.
