Haziri: Vendi do të shkojë në zgjedhje të përgjithshme këtë vit

Nënkryetari i LDK-së  Lutfi Haziri në emisionin “Politikë” ka thënë se vendi me mundësi mund të shkojë në zgjedhje këtë vit.

“Iniciativa për mocion kundër Qeverisë, nënshkrimi nga deputetët e opozitës, disa deputetë të pozitës dhe disa deputetëve joshumicë bërë që të mendojmë se kah po shkon këto drejtime dhe kjo tregon se si do të menaxhohet seanca për Demarkacion para se të ndodh seanca për mocionin e mosbesimit të Qeverisë”, tha ai.

Sipas Hazirit gjitha këto do t’i japin vulën përfundimtare se a do të ketë zgjedhje në qershor apo në vjeshtë të këtij viti.

Haziri, më tutje, tha se disa nga deputetët e LDK’së të cilët po e kundërshtojnë demarkacionin, po e bëjnë këtë për ta kundërshtuar vet marrëveshjen.

“Përveç Shpejtim Bulliqit, i cili është gjeograf dhe e bën ekspertizën profesionale, deputetët tjerë më shumë janë duke votuar kundër vet marrëveshjes, se sa rreth asaj nëse është apo jo mirë vija e kufirit”, tha Haziri. /gazetametro/