Lindita Halimi sot performon në Eurovision

Sot nis edicioni i 62-të i Festivalit Evropian të Këngës (Eurovision). Në Eurovision 2017 konkurrojnë 42 shtete, artistët e të cilëve do të përfaqësojnë vendet e tyre.

Në gjysmëfinalen e parë konkurrojnë 18 shtete, mes tyre edhe Shqipëria, e përfaqësuar nga Lindita Halimi, e cila do të performojë e katërta. Me këngën “World”, kompozuar nga Klodian Qafoku, me tekst të Lindita Halimit dhe Big Basta-s, ajo synon të kualifikohet për në finalen e madhe të 13 majit.

Kënga “World” nuk do të ketë ndonjë performancë të veçantë, pasi vëmendja do t’i kushtohet tërësisht këngës dhe vokalit të këngëtares.