Peci dorëzohet para presionit publik: Anulon grantet për këshilltarin e tij dhe
Kriza e koalicionit: PDK thërret dy takime urgjente
Partia Demokratike e Kosovës sonte në mbrëmje dhe nesër do të mbajë dy takime të ndryshme. Rreth orës 19:00 të së martës, deputetët e PDK’së janë urdhëruar nga kryetari Kadri Veseli të ndodhen në Prishtinë, pa treguar arsyet specifike. Ndërsa, të mërkurën, dy orë para votimit në Kuvend të mocionit për shkarkimin e Qeverisë, në 08:00 të mëngjesit, Veseli do të mbledhë këshillin Drejtues të partisë.
Deputetët e PDK’së janë obliguar që sonte në ora 19:00 të jenë në Prishtinë. Pa u treguar se ku do të takohen, por ata vetëm duhet të mos largohen nga kryeqyteti.
Deputeti i PDK’së, Shukri Buja ka konfirmuar mesazhin që ai e pranoi sikurse 35 deputetët tjerë të grupit parlamentar të kësaj partie.
“Na kanë njoftu që të jemi në ora 19:00 në Prishtinë, që të mos largohemi nga Prishtina. Ta konfirmojmë që jemi në Prishtinë, kaq”, tha ai.
Tutje ai sqaroi edhe se çka pret nga ky takim.
“Realisht, për qeto rrjedha që janë. Besoj se do të takohet grupi i deputetëve me kryesinë bashkë, për me u konsultu ku jemi. Dhe do të na njoftojë kryetari Veseli se si është gjendja, dhe si mendohet të dilet nga kjo gjendje”, tha Buja për Express.
Tutje, Shukri Buja ka konfirmuar edhe një mbledhje tjetër të Këshillit Drejtues të PDK’së, të cilën kryetari Kadri Veseli e ka thirrur për të mërkurën në ora 8 të mëngjesit. Dy orë para se në Kuvend të votohet mocioni i opozitës për shkarkimin e qeverisë të cilin e ka nënshkruar edhe vetë Buja.
Buja konfirmoi se në atë mbledhje do të vendoset nëse deputetët e PDK’së do të veprojnë sikur ai, apo kundër mocionit.
“Nesër në ora 08:00 e kemi mbledhjen e këshillit drejtues, aty do të mirren edhe vendimet tjera. Në veçanti do të merren vendimet se çfarë dhe si do të veprohet për demarkacionin dhe mocionin”, konfirmoi Buja të martën.
Ndryshe, PDK ka kohë që ka treguar gatishmëri për të shkuar në zgjedhje, ndonëse kjo parti asnjëherë nuk ka dhënë qëndrim të qartë karshi mocionit të nisur për shkarkimin e qeverisë me votë në Kuvend.
Si pjesë e përgatitjeve për zgjedhje të jashtëzakonshme PDK të martën ka prezantuar anëtaren e re të partisë. Arbana Xharra ka zyrtarizuar kalimin e saj në këtë parti, pas largimit nga profesioni i gazetares si drejtuese e një gazete në Kosovë. /GazetaExpress/.
