Volkswagen teston modelin e ri Polo (VIDEO)

Kompania gjermane Volkswagen ka nisur testimet e modelit të ri Polo.

Të pasionuarit pas makinave kanë arritur që ta filmojnë Polo-n e re, e cila ishte duke u testuar në pistën e Nurburgring të Gjermanisë.

Te modeli i ri Polo, risia do të jetë te motorët 1.5 litra me benzinë dhe 1.0 litra me tre cilindra.

Në versionin me naftë do të jenë në dispozicion motorët 1.6 TDI në disa variante, ndërsa versioni më i shpejtë do të jetë modeli GTI me motor 2.0 litra.

Polo e re pritet që të shfaqet në shtator të këtij viti në panairin e veturave që do të mbahet në Frankfurt.