Të hënën takohen sërish krerët e koalicionit qeverisës, Mustafa e Veseli!

Shefi i Qeverisë së Kosovës Isa Mustafa dhe Kryeparlamentari Kadri Veseli, të hënën e javës së ardhshme do të takohen edhe njëherë për të diskutuar lidhur me zhvillimdet e fundit politike në vend.

Lajmin për këtë takim të planifikuar për në fillim të javës së ardhshme e ka konfirmuar zëvendëskryeministri i Qeverisë së vendit nga radhët e PDK-së, Hajredin Kuçi, raporton GazetaBlic.com

Sipas tij, Mustafa e Veseli ditën e hënë do të arrijnë një marrëveshje karshi situatës së krijuar në skenën politike në vend.

“Pritet më së largu të takohen ditën e hënë dhe të mirren vesh”, ka deklaruar ai.

Zëvendëskryeministri Kuçi, është shprehur kundër asaj që mos përmbyllja e çështjes së Demarkacionit ndërmjet Kosovës dhe Malit të Zi, të përdoret si pretekst nga partia e tij për prishje të koalicionit qeverisës.

“Demarkacioni nuk duhet të jetë pretekst për rënien e Qeverisë. Veprimet që do t’i bëjmë do të jenë në përputhje me Kushtetutën”, tha ai në emisionin “Debat” të RTK-së.

Më tej, ai ka theksuar se nëse zgjedhejt e parakohshme parlamentare do t’i ofronin zgjidhje çështjeve që janë duke e bllokuar procesin e integrimit të vendit, siç është ajo e Demarkacionit, atëherë sipas Kuçit ato duhet të mbahen.

Ndryshe, Qeveria e Kosovës ka vendosur që ditën e hënë ta procedojë për në Kuvend marrëveshjen për Demarkacion me Malin e Zi.

Udhëhqësit e partive në koalicion qeverisës, Mustafa e Veseli, brenda kësaj jave janë takuar tri herë larg “syve” të mediave dhe të opinionit publik, ku kanë diskutuar lidhur me zhvillimet e fundit në vend, përfshirë këtu mundësinë e prishjes së koalicionit dhe shkuarjes në zgjedhje të parakohshme./GazetaBlic/