Kryesia e Kuvendit të Kosovës do të mblidhet sot në ora 14:00

Mbledhja e Kryesisë së Kuvendit të Kosovës është shtyrë për një orë. Edhe pse u paralajmërua për ora 13:00, ajo do të mblidhet sot në ora 14:00.

Sot partitë opozitare kanë dorëzuar në Kuvend mocionin për rrëzimin e Qeverisë.

Shefi i GP-së të AAK-së, Pal Lekaj gjatë një konference për media bëri të ditur se pas dorëzimit të mocionit jo më parë se dy ditë dhe jo më larg se pesë ditë duhet të thirret seancë e jashtëzakonshme.

Pas dorëzimit të mocionit nga partitë opozitare, Kryesia e Kuvendit do të mblidhet në orën 13:00.

Në këtë mbledhje pritet të shqyrtohet mocionin për thirrjen e seancës për shkarkimin e Qeverisë “Mustafa”, pasi opozita dorëzoi 42 nënshkrimet e deputetëve për votimin në Kuvend të mosbesimit ndaj Qeverisë.

Ftesat e anëtarëve të Kryesisë dhe shefave të grupeve parlamentare për mbledhje të Kryesisë tashmë u janë dërguar nga Kuvendi.

Të premten në mëngjes, shefat e grupeve parlamentare të opozites VV, AAK dhe Nisma kanë dorëzuar mocionin në Kryesi, me 42 nënshkrimet e mbledhura nga deputetët e Kuvendit të Kosovës. Prej këtyre nënshkrimeve, 10 firma ishin të deputetëve të koalicioni qeverisës PDK-LDK dhe pakicat