Monedha false 100-ëshe qarkullojnë nëpër Prishtinë

Policia e Kosovës ka njoftuar përmes raportit 24-orësh se më 2 maj rreth orës 16:30, një femër ka njoftuar policinë se derisa ishte duke punuar në një filial të një banke, gjatë deponimit të një shume parash nga dy meshkuj, kishte pranuar dy kartëmonedha nga 100 euro, të cilat dyshohet se ishin të falsifikuara, transmeton Express.

Policia ka njoftuar se ky rast është duke u hetuar.

“Ankuesja femër K/Shqiptare ka njoftuar se derisa ishte duke punuar në një filial banke, gjatë deponimit të një shume parash nga dy të dyshuar meshkuj K/Shqiptarë kishte pranuar dy kartëmonedha nga 100 € të cilat dyshohet të jenë falsifikuara. Rasti është duke u hetuar”, thuhet në njoftim.