Vdes mamia llapjane Sanije Topanica, iu ndihmoi grave në lindje gjatë luftës
Salihaj: S’kemi përgjigje nga Mustafa për Demarkacionin
Marrëveshja më e përfolur dhe më e kundërshtuar deri më tani në Kosovë, ajo e Demarkacionit me Malin e Zi, pritet që shumë shpejt t’i nënshtrohet procedurës së ratifikimit në Kuvend.
Kjo marrëveshje po has në rezistencë nga ana e deputetëve të opozitës, por edhe të vetë partisë së kreut të Qeverisë, njëherësh liderit të LDK-së, Isa Mustafa.
Deputetët e partisë së Isa Mustafës që janë kundër kësaj Marrëveshjeje, së fundmi i kanë propozuar kryeministrit dhe shefit të partisë së tyre një propozim me anë të së cilit ata do ta votonin këtë marrëveshje ndërkombëtare. Por kreu i Qeverisë ende nuk u ka kthyer atyre përgjigje rreth propozimit që ata i kanë dhënë Mustafës.
Iniciuesi i këtij propozimi, Adem Salihaj, kontaktuar nga Gazeta Express, ka thënë se nëse kryeministrit Mustafa nuk reflekton karshi propozimit të tyre, ai nuk do ta votojë marrëveshjen e Demarkacionit.
Ai ka thënë se deputetët e LDK-së ende nuk kanë marrë përgjigje rreth çështjes së demarkacionit nga kreu i partisë së tyre.
“… Ende nuk kemi ndonjë zhvillim të ri për këtë çështje. Variantin e parë të demarkacionit nuk e votoj. Nëse pranohet ky propozimi i ri, arrihet liberalizimi dhe nuk humbet territor”, ka thënë Salihaj.
Tutje ai është shprehur se për propozimin e tij, ka kontakte edhe me ndërkombëtarët.
“…kemi kontakte edhe me institucionet ndërkombëtare por që ende nuk kemi përgjigje”, ka deklaruar ai.
E nderkohe deputetet e LDK-se i kane propozuar kryeministrit Mustafaqë drafti për demarkacion që shkon në Kuvend, të përmbajë edhe një pikë të nenit që obligon Qeverinë e Kosovës që pas dy viteve ta rishqyrtojë një pjesë të vijës kufitare me Malin e Zi.
Kulla e Zhlepit dhe Çakorri janë zonat kufitare që këta deputetë duan të rishqyrtohen, pasi pretendohet se në këtë pjesë Kosova ka humbur disa hektarë tokë, që kanë kaluar në pronësi të Malit të Zi. /GazetaExpress/
