Pas Maqedonisë, zyrtarin amerikan e pret Kosova

Zёvendёsndihmës sekretari i shtetit amerikan pёr Evropё dhe Euro-Azi, Hoyt, Yee sot do të zbresë në Shkup, ku kriza politike është thelluar tej mase pas përgjakjes së kuvendit  para tri ditësh. Yee pritet që gjatë javës që vjen të qëndrojë edhe në Kosovë, ku do të diskutojë me liderët e vendit për Demarkacionin me Malin e Zi.

Vizitën në Kosovë Hoyt Yee po e zhvillon në një kohë kur po pritet prishja e koalicionit LDK-PDK, dhe rrjedhimisht mbajtja e zgjedhjeve të parakohshme në pjesën e parë të muajit qershor.

Ndërsa, liderët në Maqedoni nuk është se e mirëpritën edhe aq zyrtarin e lartë amerikan, kjo sepse presidenti Gjeorge Ivanov më herët deklaroi se nuk ka kohë për ta takuar atë, por si duket ka gjetur kohë pasi tashmë edhe ai është shtuar në agjendën zyrtare të Yee.

Gjithashtu siç njoftojnë nga ambasada e SHBA-së në Shkup Yee do të zhvillojë takime edhe me kryetarin e parlamentit Talat Xhaferi si dhe liderët e të gjitha partive politike parlamentare respektivisht, Gruevskin, Zaevin, Ahmetin, Kasamin, Memedin dhe Thaçin.

Në cak të vizitës së diplomatit amerikan do të jenë bisedimet për formimin e qeverisë, marrëdhëniet mes dy vendeve si dhe integrimet euro-atlantike. /gazetametro.net