“Të vras”, “E han plumbin” | Çifti e kërcënojnë njëri – tjetrin
![MKRS-ja investon 500 mijë euro në Stadiumin “Zahir Pajaziti” në Podujevë](https://podujevapress.net/wp-content/uploads/2017/04/Stadiumi.jpg)
MKRS-ja investon 500 mijë euro në Stadiumin “Zahir Pajaziti” në Podujevë
Në vazhdën e investimeve të shumta që po realizon Ministria e Kulturës, Rinisë dhe Sportit, e të cilat për qëllim kanë përmirësimin e infrastrukturës sportive në Kosovë, sot është nënshkruar një memorandum bashkëpunimi me Komunën e Podujevës, qëllimi i të cilit është investimi në projektin “Ndërtimi i tribunave në Stadiumin “Zahir Pajaziti” në Komunën e Podujevës, në të cilin projekt, MKRS-ja do të investojë 500 mijë euro, ndërkaq Komuna e Podujevës do të investojë 200 mijë euro.
Në këtë takim ishte i pranishëm edhe kryetari i Federatës së Futbollit të Kosovës, Fadil Vokrri.
Me këtë rast, ministri Kujtim Shala dhe Kryetari i Komunës së Podujevës, Agim Veliu, u shprehën se kjo fazë e rëndësishme e investimeve të reja në këtë stadium, ndihmon dukshëm në përmirësimin e kushteve të përgjithshme të këtij stadiumi, dhe po ashtu, krijon kushte më të mira për zhvillimin e mëtejmë të futbollin e kësaj ane.