Veteranët i ftojnë të gjithë në shesh për pritjen e Haradinajt

Organizata e Veteranëve të Luftës së Ushtrisë Çlirimtare të Kosovës ka përshëndetur vendimin për lirimin e ish-kryeministrit kosovar dhe kreut të AAK-së, Ramush Haradinaj.

“Vendimi për lirimin e tij, është fitore për shqiptarët dhe edhe një humbje për Serbinë”, thuhet në komunikatën e tyre, njofton Klan Kosova.

Organizata e Veteranëve të Luftës së UÇK-së ka ftuar të gjithë të marrin pjesë në pritjen për Haradinaj  në ora 19:00 në sheshin “Zahir Pajaziti”.