Vdes mamia llapjane Sanije Topanica, iu ndihmoi grave në lindje gjatë luftës
Gecaj përjashton mundësinë e koalicionit LDK – VV
Zëvendësministri i Administrimit të Pushtetit Lokal njëherësh këshilltar i kryeministrit Mustafa, Bajram Gecaj, ka përjashtuar mundësinë e një koalicioni me Lëvizjen Vetëvendosje, për shkak siç thotë ai, të mjeteve dhe metodave që ata i përdorin.
Zgjedhjet e parakohshme nëse eventualisht mund të mbahen këtë vit, ekziston mundësia që Lidhja Demokratike e Kosovës të vendosë vija të kuqe me Lëvizjen Vetëvendosje.
Kështu së paku konsideron Bajram Gecaj, këshilltar i kryeministrit Isa Mustafa.
“Unë e shoh shumë të vështirë një koalicion me VV’në duke marrë parasysh metodat që i përdorin ata”, tha Gecaj.
Gecaj gjatë një interviste dhënë për Tribuna Channel, ka thënë se LDK’ja është e përgatitur për zgjedhje madje e ka gati edhe programin politik për zgjedhjet e ardhshme.
“Lidhja Demokratike është në vazhdimësi e përgatitur për zgjedhje duke përfshi edhe program edhe platformë’, tha Gecaj.
