Llapi distancohet nga sulmi në gazetarin e Klan Kosovës

Ka ardhur edhe reagimi i Llapit për sulmin e bërë në gazetarin e Klan Kosovës, Jon Ajeti.

Ai u sulmua me guri nga tifozët, derisa po merrte intervistat pas ndeshjes Llapi – Drenica.

“Duke konsideruar se gjërat e tilla janë të pa pranueshme për ne si kryesi dhe staf i FC Llapi, distancohemi nga ngjarja e ditës së djeshme pas përfundimit të ndeshjes Llapi – Drenica, ku u godit me gur nga një tifoz i pa identifikuar, gazetari i Klan Kosovës, Jon Ajeti dhe i urojmë shërim e kthim sa më të shpejtë në profesionin e tij duke shpresuar që gjërat e tilla të mos përsëriten më. Ne jemi me Jonin si gazetar dhe jemi kujdesur për gjendjen e tij ndërsa jemi kundër fenomeneve negative si kjo e ditës së djeshme, por si sugjerim që gazetarët të vishen me jelekë që identifikohen në profesionin e tyre. Ndërsa për gjendjen në vendin e kameramanëve dhe gazetarëve shpejt do ketë zgjidhje pasi që stadiumi është në ndërtim e sipër”, thuhet në komunikatën e Llapit, raporton PodujevaPRESS.