Vdes mamia llapjane Sanije Topanica, iu ndihmoi grave në lindje gjatë luftës
Ngrohen “zemrat” e prishtinasve, Termokosi rikthen të “nxehtit”
Termokos’ ka ndaluar ngrohjen në qytetin e Prishtinës me 15 prill ashtu siç edhe ishte paraparë pas ngritjes së temperaturave. Ftohti i cili u kthye përgjatë këtyre ditëve shtoi edhe nevojën për ngrohje.
E kontaktuar nga Indeksonline, zëdhënësja e ngrohtores “Termokos”, Afërdita Uka – Fejzullahu ka konfirmuar se ngrohja në kryeqytet do të kthehet sërish.
“Po, pas mbledhjes që është mbajtur sot është vendosur që ngrohja të kthehet përsëri. Janë duke u ndërmarrë të gjitha masat e nevojshme për kthimin e ngrohjes”, ka thënë Uka-Fejzullahu.
Gjithashtu kjo e fundit ka thënë se për detaje lidhur se kur saktësisht kthehet ngrohja qytetarët do të njoftohen me kohën.
Duhet përkujtuar që shumica e qytetarëve të Prishtinës ngrohjen e kanë nga Termokosi./Indeksonline/
