Vdes mamia llapjane Sanije Topanica, iu ndihmoi grave në lindje gjatë luftës
Gallup International: Rreth 6 përqind e kosovarëve nuk besojnë në Zot
Një sondazh i ri i kryer nga Win Gallup International, që është kryer për herë të dytë brenda këtij viti, i kryer nga Instituti për Hulmtime Medial “Mediana” ka vënë në pah besimin në zot të njerëzve, duke intervistuar më shumë se 66 mijë njerëz në 68 vende të botës.
Sipas kësaj ankete, 62 për qind e njerëzve në botë besojnë në Zot.
E Kosova është në vendet me përqindjen më të madhe të njerëzve besimtarë, raporton Insajderi.
Sipas rezultateve vendet me përqindjen më të lartë të besimtarëve janë Tailanda me 98 për qind dhe Nigeria me 97 për qind të njerëzve që besojnë në Zot.
Pas tyre vijnë Kosova, India dhe Bregu i Fildisht me 94 për qind të njerëzve besimtarë. Anketa supozon se në Kosovë afërsisht 6 për qind e njerëzve janë ateistë.
Kina është vendi me më së paku besimtarë në botë, pasuar nga Suedia, Republika Çeke dhe Britania e Madhe.
