Podujeva së shpejti do të bëhet me televizion lokal (FOTO)

PodujevaPress merr vesh se së shpejti tregut medial në Kosovë do t’i bashkangjitet televizioni “TV LLAPI” dhe se projekti  me program të rregullt do të vihet në jetë gjatë muajit shtator, me seli në Podujevë.

“TV LLAPI” ka  fituar licencën për transmetim nga KPM-ja, (Këshilli i Përkohshëm i Mediave) dhe se do të jetë pjesë e të gjitha platformave elektronike televizive, ku qytetarët e Podujevës do të njofton me kohë për numrin e renditjes.

Lajmin për këtë risi mediale e ka bërë aktori i mirënjohur llapjan, Njazi Latifi i njohur nga publiku për skeçet e tij humoristike me nofkën “komandant prraqka”, i cili njoftimin e ka bërë në profilin e tij në facebook.

Komuna e Podujevës sipas regjistrimit të popullsisë në vitin 2011 rezulton të ketë 89,406 banorë rezident, ndërsa për nga sipërfaqja e tokës është komuna më e madhe në Kosovë, njofton PodujevaPRESS.K

Komuna e Podujevës mund të themi se ka qenë në terr informativ sa i përket lajmeve vizuale rreth aktiviteteve lokale, zhvillimeve shoqërore , vendimmarrjes dhe jetës politike,  zhvillimve ekonomike e sociale etj.

Disa gazeta të shkruara kanë pasur në vazhdimësi korrespodentët lokal, mirëpo efekti s’ka qenë i kënaqshëm pasi që jemi të vetëdijshëm se  ka rënë interesi qytetar për të lexuar gazetat e shkruara.

Momentalisht në Podujevë, operojnë edhe dy portale informative,” Llapi.info” dhe “PodujevaPRESS”.