“Të vras”, “E han plumbin” | Çifti e kërcënojnë njëri – tjetrin
![Deputetët e LDK-së hezitojnë ta tregojnë votën për Demarkacionin](https://podujevapress.net/wp-content/uploads/2017/04/ldk-2.jpg)
Deputetët e LDK-së hezitojnë ta tregojnë votën për Demarkacionin
Javën që vjen deputetët e Kuvendit të Kosovës do ta kenë edhe njëherë para vetës mundësinë për të votuar demarkacionin me Malin e Zi.
Kjo Marrëveshje ka kohë që ka ngjallur përçarje e reagime të shumta mes pozitës e opozitës që nuk po arrijnë të gjejnë dot një gjuhë mirëkuptimi për këtë çështje, shkruan Indeksonline.
Ka deputetë që qëndrimet e tyre i kanë bërë të ditura tash e sa kohë. Disa prej tyre me ashpërsi e kundërshtojnë këtë marrëveshje, madje paralajmërojnë edhe trazira në rast se kalon.
Ndonëse më parë kishin shprehur haptas kundërshtime, disa prej deputetëve të LDK-së po “frikësohen” ta tregojnë votën për këtë çështje.
Indeksonline ka kontaktuar me deputeten e Lidhjes Demokratike të Kosovës, Besa Gaxherrin, për të pyetur se cili është qëndrimi i saj për këtë marrëveshje, mirëpo ajo nuk ka pranuar të bëj të ditur qëndrimin e saj. “Ju nuk mundeni me dit hiç qëndrimin tim deri të vjen në Kuvend”, është shprehur ajo.
Njëjtë është deklaruar edhe njëri prej kundërshtarëve të mëdhenj të LDK-së për zgjedhjen e Hashim Thaçit në krye të Presidencës, Hatim Baxhaku. Ai nuk ka dashur ta tregojë votën.
“Unë në Kuvend e jap votën teme. Jam pozicionuar por s’kam nevojë me deklaru nëpër portale. Sepse mendojë se vendi për me deklaru votën time është Kuvendi”, ka thënë ai për “Indeksonline”.
Ndryshe, numri i deputetëve të partisë së Isa Mustafës që kanë kundërshtuar demarkacionin janë: Shpetim Bulliqi, Vjosa Osmani, Arben Gashi, Armend Zemaj, Adem Salihaj, Fatmir Rexhepi, Murat Hoxha, Anton Quni si dhe Besa Gaxherri. /Indeksonline/