Lëndohet rëndë një punëtor nga Podujeva, bie nga 5 metra lartësi (Foto)

Indeksonline ka kontaktuar me emergjencën në Podujevë për të kuptuar gjendjen e punëtorit të lënduar.

Nga përgjigjet që ka marrë prej zyrës së emërgjencës bëhet e ditur se H.B. është përcjellur për trajtim në Prishtinë ku do të vërtetohet edhe gjendja e tij.

“Personi në emergjencë tonën ka shku me autoambulancë në Prishtinë për trajtim të matutjeshëm për rengene  dhe kontrolla tjera se nuk është gjendja jo stabile. U shku për trajtim në Prishtinë. Gjendja duhet me u vërtetu atje. Duhet me u shiku shtyllën kurrizore”, thuhet në përgjigjen që Emergjenca ka dhënë.

H.B  punëtor ndërtimtarie në Podujevë ka pësuar lëndime të rënda derisa ishte duke punuar gjatë ditës së sotme dikur rreth orës 10:40.

Ai ka rënë nga një lartësi pesë metra në tokë duke pësuar kështu lëndime serioze, shkruan Indeksonline.

Emergjenca ka arritur në vend-ngjarje për t’i dhënë ndihmën të lënduarit. Viktima është përcjellur pa vetëdije.

Indeksonline do të iu mbaj të informuar lidhur me rastin. /Indeksonline/